Bókaranám

Nám viðurkennds bókara tengist bókhaldi, launakerfum, reiknings- og skattskilum og notkun upplýsingatækni í slíkum verkefnum.

Að komast í námið

Inntökuskilyrði í nám til viðurkennds bókara geta verið nokkuð mismunandi og best að kynna sér það á heimasvæði viðkomandi námsbrautar.

Fræðslusjóðir stéttarfélaga veita oft styrki til náms. Fáðu frekari upplýsingar hjá þínu félagi.

Námsskipulag

Áherslumunur er á skipulagi náms bókara milli þeirra fræðsluaðila sem bjóða upp á slíkt nám. Sjá nánar á heimasvæðum viðkomandi námsleiða; Nýi tölvu- og viðskiptaskólinn - Promennt - Endurmenntun Háskóla Íslands - Opni háskóli HR.

Hvar fer nám fram

Nám til viðurkennds bókara er kennt hjá NTV og Promennt. Einnig býður MK upp á hagnýtt viðskipta- og fjármálagreinanám og Endurmenntun HÍ og Opni háskóli HR hafa boðið upp á námskeið og námsleiðir fyrir lokahlutann að gráðu til viðurkennds bókara.

Að námi loknu

Til að öðlast gráðu sem „Viðurkenndur bókari“ þarf að þreyta próf sem haldin eru á haustin á vegum Atvinnuvega- og nýsköpunarráðuneytis.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)