Fiskeldisfræði

Fiskeldisfræði er nám á háskólastigi. Markmið námsins er að gera nemendur færa um að sinna fjölbreyttum og sérhæfðum störfum í fiskeldisstöðvum og rekstri þeirra.

 

  • Náminu lýkur með diplóma gráðu
  • Námstími er eitt ár
Að komast í námið

Inntökuskilyrði eru stúdentspróf eða sambærilegt nám - sjá nánar.

Námið er lánshæft til framfærslu og skólagjalda hjá LÍN. Fræðslusjóðir stéttarfélaga veita oft styrki til náms. Fáðu frekari upplýsingar hjá þínu félagi.

Námsskipulag

Námið samanstendur af tveggja til fjögurra vikna bók- og verklegum námskeiðum  auk tólf vikna verknáms ýmist við Hólaskóla eða í kennslu- og rannsóknaaðstöðunni Verinu á Sauðárkróki.

Hægt að taka öll námskeið, hvert á fætur öðru, og ljúka náminu á einu ári, dreifa þeim yfir lengri tíma eða sitja einstök námskeið og nýta til endurmenntunar.

Hvar fer nám fram

Nám í fiskeldi hefur verið kennt við Fiskeldis- og fiskalíffræðideild Háskólans á Hólum, annars vegar eins árs diplómunám í fiskeldisfræði en hins vegar rannsóknatengt meistaranám í sjávar- og vatnalíffræði.

Einnig er námsbraut í fiskeldi á framhaldsskólastigi í boði við Verkmenntaskóla Austurlands.

Að námi loknu

Að loknu námi eiga nemendur að geta tekið að sér sérhæfð störf í fiskeldisstöðvum og sinnt rekstri fiskeldisstöðva.

 

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)