Grafísk hönnun

Grafísk hönnun er nám á háskólastigi. Í náminu er lögð áhersla á færni og þekkingu við að miðla upplýsingum með texta og myndum, skapandi hugsun og skilning á umhverfi og samfélagi auk miðlunar efnis og hugmynda.

Náminu lýkur með BA prófi. Námstími er þrjú ár.

Að komast í námið

Inntökuskilyrði eru stúdentspróf úr framhaldsskóla eða sambærilegt nám. Umsækjendur skulu hafa hlotið menntun eða reynslu í listum eða hönnun og geta sýnt fram á færni og þekkingu með því að senda inn sýnishorn af verkum í möppu ásamt umsókn. Sjá nánar um inntökuferlið.

Námið er lánshæft til framfærslu og skólagjalda hjá LÍN.

Fræðslusjóðir stéttarfélaga veita oft styrki til náms. Fáðu frekari upplýsingar hjá þínu félagi.

Námsskipulag

Nám í grafískri hönnun er fræðilegt og verklegt. Ýmist er farið í skyldufög og valfög öll þrjú árin. Námið er kennt staðbundið.

  • Fræðileg námskeið og vinnustofur öll árin
  • Námskeið, lokaritgerð og útskriftarverkefni á þriðja ári
Hvar fer nám fram

Nám í grafískri hönnun hefur verið kennt innan hönnunar- og arkitektúrdeildar Listaháskóla Íslands.

Að námi loknu

Eftir námið er hægt að starfa sem grafískur hönnuður. Eins veitir BA próf möguleika á framhaldsnámi á háskólastigi.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)