Grunnskólakennsla

Grunnskólakennaranám til starfsréttinda er grunn- og framhaldsnám á háskólastigi. Meginmarkmið námsins er að nemendur öðlist skilning á hugtökum, kenningum og aðferðum í grunnskólakennslu og þroska- og félagslegri stöðu barna. Sérhæfing er í mismunandi námsgreinum og miðlun þeirra, kennslu og námsefnisgerð.

Náminu lýkur með B.Ed. og M.Ed. prófi. Námstími til B.Ed prófs er þrjú ár og M.Ed. prófs tvö ár, samtals fimm ár.

Að komast í námið
  • Grunnnám (B.Ed.): Inntökuskilyrði eru stúdentspróf eða sambærileg menntun.
  • Framhaldsnám (M.Ed.): Umsækjendur skulu hafa lokið B.Ed. prófi í grunnskólakennarafræði/kennarafræði eða BA prófi í kennslugreinum grunnskóla.

Sjá nánar um inntökuskilyrði við Háskóla Íslands og Háskólann á Akureyri.

Námið er lánshæft til framfærslu hjá LÍN.

Fag- og stéttarfélög veita oft styrki til náms. Fáðu frekari upplýsingar hjá þínu félagi.

Námsskipulag

Nám í grunnskólakennslu er fræðilegt og starfstengt. Námið er í boði í staðnámi og dreifnámi hjá báðum skólum. Skyldumæting er í staðlotur og vettvangsnám.

  • Fræðileg námskeið eru öll árin
  • Lokaverkefni til B.Ed. prófs er unnið á þriðja ári en til M.Ed. prófs er lokaverkefni að jafnaði unnið á fimmta ári
  • Vettvangsnám fer fram öll árin hjá Háskóla Íslands og á fjórum árum við Háskólann á Akureyri

 

Þrjár námsleiðir eru í grunnámi Háskóla Íslands:

  • Grunnskólakennsla B.Ed.
  • Kennsla ungra barna í grunnskóla B.Ed.- þessi leið veitir einnig heimild til að kenna í leikskóla
  • Faggreinakennsla í grunnskóla B.Ed.- þessi leið veitir heimild til að kenna viðkomandi faggrein í byrjunaráföngum framhaldsskóla
Að námi loknu

Að loknu námi og við brautskráningu er leyfisbréf til grunnskólakennslu veitt.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)