Heimspeki

Heimspeki er nám á háskólastigi. Í náminu er lögð áhersla á undirstöðumenntun í heimspeki; þekkingu á sögu hennar, innsýn í megingreinar auk færni í gagnrýninni hugsun og skoðanaskiptum.

• Grunnnámi lýkur með BA – prófi
• Námstími er þrjú ár

Að komast í námið

Inntökuskilyrði eru stúdentspróf eða sambærilegt próf.

Námið er lánshæft til framfærslu og skólagjalda hjá LÍN. Fræðslusjóðir stéttarfélaga veita oft styrki til náms. Fáðu frekari upplýsingar hjá þínu félagi.

Námsskipulag

Námið byggist á fyrirlestrum og málstofum en lestur heimspekitexta, samræður, rannsóknarvinna og ritgerðasmíð eru einnig veigamiklir þættir.

  • Fræðileg inngangsnámskeið
  • Valnámskeið um ákveðin sérsvið
  • Málstofur og tengd verkefnavinna
  • Lokaritgerð til B.A. - prófs
Hvar fer nám fram

Heimspeki til BA – prófs er í boði við Háskóla Íslands en þar er einnig hægt að stunda framhaldsnám í heimspeki, heimspekikennslu og hagnýtri siðfræði.

Þá býður Háskólinn á Bifröst upp á svokallað HHS – nám en þar er fléttað saman heimspeki, hagfræði og stjórnmálafræði til BA – prófs.

 

Að námi loknu

Nám í heimspeki hefur skilað fólki inn á fjölmörg starfssvið svo sem í tengslum við  ritstörf, blaðamennsku, menntun, menningu og stjórnmál.

 

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)