Jarðlagnatækni

Jarðlagnatækni er starfstengt nám á framhaldsskólastigi. Í náminu felst að auka færni til vinnu við rafstrengi, vatnslagnir, hitalagnir, fjarskiptalagnir og fráveitur í jörð. Eins er farið í þætti líkt og námstækni, samskipti á vinnustað, jarðvegsfræði, íslensku, stærðfræði, tölvur og upplýsingatækni. Námið er allt að 300 kennslustundir.
 
Meta má námið til styttingar námi í framhaldsskóla, allt að 24 einingum, en það er kennt innan framhaldsfræðslunnar.
 
Fáðu frekari upplýsingar hjá fræðslu- og símenntunarmiðstöðvum.

Að komast í námið

Námið er ætlað verkamönnum, flokkstjórum, verkstjórum og verktökum sem vinna við rafstrengi, vatnslagnir, hitalagnir, fjarskiptalagnir og fráveitur í jörð.

Námsskipulag

Farið er í ýmsar greinar til að auka þekkingu og skilning á starfi og starfsumhverfi í jarðlagnatækni. Til að sjá betur hvernig námið er uppbyggt má nálgast námskrá þess hjá Fræðslumiðstöð atvinnulífsins.

Hvar fer nám fram

Nám í jarðlagnatækni hefur farið fram hjá fræðslu- og símenntunarstöðvum, meðal annars hjá Mími- símenntun.

Að námi loknu

Námið veitir meiri þekkingu og yfirsýn, þeim sem starfa við jarðlagnir.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)