Líffræði

Nám líffræði á háskólastigi byggir á aðferðum raunvísinda og hvernig þær leiða til nýrrar þekkingar í greininni. Fjallað er um einkenni tegunda, erfiðir og þróun, hegðun lífvera, samfélög og vistkerfi, útbreiðslu, breytingar á stofnstærð og áhrif umhverfisbreytinga á lífríkið.

 

  • Grunnnámi lýkur með BS – gráðu
  • Námstími er þrjú ár

Námsvalshjól Háskóla Íslands

Að komast í námið

Inntökuskilyrði eru stúdentspróf eða sambærilegt nám. Mælt er með að umsækjendur hafi lokið ákveðnum einingafjölda í stærðfræði og raungreinum.

Námið er lánshæft til framfærslu og skólagjalda hjá LÍN. Fræðslusjóðir stéttarfélaga veita oft styrki til náms. Fáðu frekari upplýsingar hjá þínu félagi.

Námsskipulag

Nám í líffræði byggir á grunnnámskeiðum í greinum á borð við frumulíffræði, dýrafræði og grasafræði en á þriðja ári eru í boði fjölbreytt valnámskeið í fuglafræði, umhverfisfræði, fiskavistfræði, mannerfðafræði og fleiri greinum.

Hvar fer nám fram

Nám í líffræði er kennt innan Líf- og umhverfisvísindadeildar Háskóla Íslands. Í boði er grunnnám til BS gráðu og tvær námsleiðir til meistaragráðu, Líffræði MS og Lífupplýsingafræði.

Að námi loknu

Líffræðingar vinna  margskonar störf svo sem við rannsóknir, bæði úti í náttúrunni og á rannsóknarstofum, hjá einkafyrirtækjum í líftækni, við umhverfismat vegna virkjana, við ráðgjöf og kennslu á öllum skólastigum.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)