Listfræði

Listfræði er nám á háskólastigi og fjallar um hin fjölbreytilegustu form myndlistar auk byggingarlistar, hönnunar og sjónmenningar í víðu samhengi.

Í náminu er lögð áhersla á þjálfun í myndlæsi og sögu myndlistar eða því að skilja, greina og túlka myndlistarverk og sjónrænt efni frá ólíkum tímum og stöðum.

Fjallað er um íslenska myndlistarsögu, helstu hugtök og listsöguskoðanir út frá ýmsum sjónarhornum.

  • Grunnnámi lýkur með BA – gráðu
  • Námstími er þrjú ár

Námsvalshjól Háskóla Íslands

Fjarkynningar á grunnnámi við H.Í. – vor 2020

Að komast í námið

Inntökuskilyrði eru stúdentspróf eða sambærilegt próf.

Námið er lánshæft til framfærslu og skólagjalda hjá LÍN. Fræðslusjóðir stéttarfélaga veita oft styrki til náms. Fáðu frekari upplýsingar hjá þínu félagi.

Námsskipulag

Námið skiptist í tvo meginþætti; fagurfræði listaverks annars vegar en hins vegar hina ytri umgjörð á borð við skilyrði listar og listamanns eða tengsl sköpunarverksins við vísindi, stjórnmál og hugmyndakerfi.

Kennslan fer bæði fram í húsnæði Háskóla Íslands og Myndlistardeildar Listaháskólans; í  HÍ er kennd aðferðafræði og listasaga en við LHÍ alþjóðleg samtímalistasaga og námskeið með tengsl við hinn skapandi listheim.

Hvar fer nám fram

Nám í listfræði hefur verið kennt innan Íslensku- og menningardeildar Háskóla Íslands í samvinnu við Myndlistardeild Listaháskóla Íslands, hvort tveggja til BA – prófs og meistaragráðu.

Að námi loknu

Að loknu námi er gjarnan sótt í störf innan myndlistarheimsins svo sem í tengslum við söfn, sýningarsali og menningarstofnanir en einnig menningarumfjöllun í fjölmiðlum, listasögukennslu og myndlistarrannsóknir.

Flest sem titla sig listfræðinga hafa lokið a.m.k. meistaraprófi í greininni.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)