Lögreglunám

Lögreglufræði er starfstengt nám á háskólastigi. Í náminu er fjallað um viðfangsefni löggæslu í víðu samhengi með það að markmiði að veita nemendum undirstöðufærni í að fyrirbyggja og upplýsa um brot á lögum og tryggja almennt öryggi.

Að komast í námið

Umsækjendur þurfa að (sjá nánar):

  • vera íslenskir ríkisborgarar, 20 ára eða eldri
  • hafa ekki gerst brotlegir við refsilög
  • vera andlega og líkamlega heilbrigðir
  • hafa lokið stúdentsprófi eða sambærilegri menntun

 

Námið er lánshæft hjá LÍN. Eins veita fag- og stéttarfélög oft styrki til náms, fáðu frekari upplýsingar hjá þínu félagi.

Námsskipulag

Nám fyrir verðandi lögregluþjóna er 120 eininga, tveggja ára diplómanám. Einnig er hægt að ljúka 180 eininga BA námi auk náms fyrir starfandi lögregluþjóna.

 

Áhersla er á sveigjanlegt nám, staðarnám og fjarnám. Mennta- og starfsþróunarsetur lögreglu annast starfsnám nema í lögreglufræði í samstarfi við Háskólann á Akureyri.

Hvar fer nám fram

Nám í lögreglufræði er kennt við Háskólann á Akureyri.

Að námi loknu

Nám í lögreglufræðum undirbýr nemendur til starfa við löggæslustörf en gefur einnig kost á ýmis konar sérhæfingu, svo sem sérsveitarstörf, stjórnun lögregluembætta eða alþjóðlegt hjálpar- og þróunarstarf.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)