Matsveinanám

Matsveinanám er starfsnám á framhaldsskólastigi þar sem áhersla er lögð á að auka þekkingu og færni við dagleg störf sem matsveinn í litlum mötuneytum og á fiski- og flutningaskipum. Nemendur læra að setja saman matseðla, huga að innkaupum, ólíkar matreiðsluaðferðir og –hefðir ásamt meðferð matvæla. Möguleiki er að fá færni sem aflað er á vinnumarkaði metna.

Meðalnámstími er um eitt ár, tvær annir í skóla og 24 vikna starfsþjálfun.

Að komast í námið

Umsækjendur þurfa að hafa lokið sex mánaða starfsþjálfun eða vera starfandi í mötuneyti sem býður upp á mat í hádegi  og að kvöldi.

 

Upplýsingar um lánshæfi námsins má fá hjá LÍN. Eins veita fag- og stéttarfélög oft styrki til náms. Fáðu frekari upplýsingar hjá þínu félagi.

Námsskipulag

Námið skiptist í sérgreinar og starfsþjálfun.

Hvar fer nám fram

Matsveinanám er kennt við Menntaskólann í Kópavogi.

Að námi loknu

Námið veitir réttindi til að starfa sem matsveinn.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)