Mjólkurfræði

Mjólkurfræði er þriggja ára iðnnám, hvort tveggja bóklegt og verklegt. Bóklega námið fer fram í Danmörku en verklega hlutann er að mestu hægt að taka hér á landi.

Að komast í námið

Hægt er að komast á námssamning í mjólkurfræði strax að loknum grunnskóla þó algengast sé að vinna í mjólkursamlagi í einhvern tíma áður en námið hefst.

Námið er lánshæft hjá LÍN. Einnig veita fræðslusjóðir stéttarfélaga oft styrki til náms. Fáðu frekari upplýsingar hjá þínu félagi.

Námsskipulag

Námið hefst á verklegum 12 vikna hluta á mjólkursamlagi í Danmörku sem hugsað er til undirbúnings bóklega náminu. Annað verknám er hægt að taka hjá mjólkursamlagi á Íslandi. Bóklega námið í Danmörku felst í fimm 4 – 14 vikna námsferðum þangað, 50 vikum alls.

Hvar fer nám fram

Fyrsti hluti verknámsins og bóklega námið er tekið við Kold College í Óðinsvéum í Danmörku en verklega námið má að öðru leyti taka hjá mjólkursamlagi hér á landi.

Að námi loknu

Að loknu námi og sveinsprófi fást réttindi til starfa sem mjólkurfræðingur.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)