Öryggisvarsla

Öryggisvarsla er starfstengt nám á framhaldsskólastigi. Í því felst að auðvelda fólki að byrja í námi að nýju, kynnast betur laga- og vinnuumhverfi í öryggisþjónustu, öryggisatriðum- og tækjum, þjónustu við viðskiptavini og eflast í starfi. Námið er allt að 300 kennslustundir, þar af um 70 kennslustundir kennsla og verkleg þjálfun á vinnustað.
 
Meta má námið til styttingar námi í framhaldsskóla allt að 24 einingum en það er kennt innan fullorðinsfræðslunnar. Fáðu frekari upplýsingar hjá fræðslu- og símenntunarmiðstöðvum.

Að komast í námið

Námið er ætlað þeim sem eru eldri en 20 ára, með stutta skólagöngu að baki og starfa hjá fyrirtæki sem annast öryggisþjónustu í atvinnuskyni.

Fag- og stéttarfélög veita oft styrki til náms. Fáðu frekari upplýsingar hjá þínu félagi.

Námsskipulag

Farið er í ýmsar bóklegar greinar til að auka þekkingu og skilning á starfi og starfsumhverfi í öryggisvörslu ásamt starfsþjálfun á vinnustað. Til að sjá betur hvernig námið er upp byggt má nálgast námskrá þess hjá Fræðslumiðstöð atvinnulífsins.

Hvar fer nám fram

Öryggisvarðanám hefur farið fram hjá fræðslu- og símenntunarstöðvum. Athugaðu hvort og hvar það er í boði.

Að námi loknu

Námið veitir meiri þekkingu og yfirsýn, þeim sem starfa við öryggisvörslu.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)