Sjúkraþjálfun

Nám í sjúkraþjálfun til starfsréttinda er heildstætt grunn- og framhaldsnám á háskólastigi. Byggist það á heilsueflingu, forvörnum og ráðgjöf til einstaklinga og samfélags. Farið er í kenningar um hreyfistjórn og hreyfinám sem og hugmyndafræði um færni, fötlun og heilsu ásamt verknámi þar sem unnið er með skjólstæðingum.

Náminu lýkur með BS í sjúkraþjálfarafræðum og MS prófi í sjúkraþjálfun. Námstími er þrjú ár til BS prófs og tvö ár til MS prófs.

Námsvalshjól Háskóla Íslands

Fjarkynningar á grunnnámi við H.Í. – vor 2020

Að komast í námið

Grunnnám (BS): Umsækjendur sem lokið hafa stúdentsprófi eða sambærilegu námi, hafa möguleika á að taka inntökupróf sem haldið er í júní ár hvert. Sjá nánar um inntökuskilyrði.

Framhaldsnám (MS): Umsækjendur skulu hafa lokið BS prófi í sjúkraþjálfunarfræðum.

 

Námið er lánshæft til framfærslu og skólagjalda hjá LÍN. Fræðslusjóðir stéttarfélaga veita oft styrki til náms. Fáðu frekari upplýsingar hjá þínu félagi.

Námsskipulag

Grunnnámið byggist á skyldunámskeiðum og er kennt í staðnámi. Tekur það þrjú ár og er farið í grunngreinar sjúkraþjálfunarinnar. Við tekur tveggja ára framhaldsnám þar sem lögð er áhersla á verknám sem fram fer á endurhæfingarstöðvum, sjúkraþjálfunarstofum, heilbrigðisstofnunum og sjúkrahúsum.

 

Að jafnaði vinna nemendur lokaverkefni sín á fimmta ári.

Hvar fer nám fram

Sjúkraþjálfun er kennd við læknadeild Háskóla Íslands.

Að námi loknu

MS próf í sjúkraþjálfun veitir rétt til að sækja um leyfi til að starfa sem sjúkraþjálfari. Námið veitir aðgang að meistara- og doktorsnámi.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)