Vöruflutninganám er starfstengt og á framhaldsskólastigi. Í náminu felst að auka færni og þekkingu á flutningafræðum, flutningaferli, markaðs- og sölumálum. Eins er farið í þætti líkt og námstækni, íslensku, ritvinnslu, tölvu- og upplýsingatækni og vörumeðferð. Námið er 226 klukkustundir að meðtalinni 32 klukkustunda vinnustaðanámi. Meta má námið til styttingar námi í framhaldsskóla til allt að 24 eininga en það er kennt innan framhaldsfræðslunnar.

Fáðu frekari upplýsingar hjá fræðslu- og símenntunarmiðstöðvum.

Kröfur

Námið er ætlað starfsfólki sem annast flutninga og geymslu varnings.

Fag- og stéttarfélög veita oft styrki til náms. Fáðu upplýsingar hjá þínu félagi.

Námsskipulag

Farið er í ýmsar greinar til að auka þekkingu og skilning á starfi og starfsumhverfi í vöruflutningum. Til að sjá betur hvernig námið er uppbyggt má nálgast námskrá þess hjá Fræðslumiðstöð atvinnulífsins.