Aðstoð í málmiðnaði

Aðstoðarmaður í málmiðnaði hjálpar til við nýsmíði, uppsetningu, viðgerðir og viðhald stálvirkja auk smíði, viðhalds og viðgerða á vélbúnaði. Aðallega er um að ræða einfaldari viðhaldsverkefni auk lagerhalds, sendiferða og samskipta við  viðskiptavini.

Helstu verkefni:

  • efnistaka – efnt niður í lengdir og stærðir
  • suðuvinna – stillt upp/undirbúið fyrir suðu
  • beyging og völsun
  • smíði röra, snittun og samsetning
  • bora/gata efni
  • frágangur og þrif

 

Alla jafna er unnið undir leiðsögn faglærðra verkstjóra og iðnaðarmanna en einnig  sjálfstætt við afmörkuð verkefni sem tengjast sérþekkingu viðkomandi starfsmanns. Vinnuaðstæður eru með ýmsum hætti, inni og úti, jafnvel við misjöfn loftgæði og getur starfið verið líkamlega krefjandi.

Hvernig verð ég?

Ýmsar námsleiðir eru í boði, svo sem á málmiðnbrautum framhaldsskóla eða námskeið á vegum símenntunarmiðstöðva.

Hæfnikröfur

Í starfinu þarf að þekkja til notkunar og umhirðu á vélum, verkfærum og hættulegum efnum á borð við mismunandi gastegundir eða sýru.  Afar mikilvægt er að geta fylgt ströngum öryggisreglum auk þess sem hluti starfsins kann að krefjast sérhæfðra réttinda, svo sem notkun á krana eða lyftara.

Nánari upplýsingar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)