Bakari

Bakarar vinna margs konar störf sem tengjast bakstri. Oftast er unnið eftir uppskriftum, þeim breytt ef ástæða er til og valin vinnsluaðferð við hæfi hverju sinni; hnoðað, hrært, þeytt eða mótað. Bakarar taka á móti hráefni, flokka það og meta, ákveða hitastig og baksturstíma og þjónusta viðskiptavini. Bakaraiðn er löggilt starfsgrein.
 
Helstu verkefni:

  • brauð- og smábrauðabakstur
  • köku-, tertu-, konfekt-, sælgætis og eftirréttagerð
  • sætabrauðs- og kexbakstur
  • skreytingar og framleiðsla skyndirétta
  • veisluþjónusta og hlaðborð
  • þrif og sótthreinsun húsnæðis og búnaðar

 
Algengustu vinnustaðir bakara eru bakarí, veitingahús, hótel og sælgætisgerðir.

Hvernig verð ég?

Námsbraut í bakaraiðn er í Menntaskólanum í Kópavogi. Meðalnámstími er fjögur ár. Að auki er tveggja anna grunnnám matvælagreina kennt við Verkmenntaskólann á Akureyri. Raunfærnimat hefur farið fram og/eða kann að vera í boði.

Hæfnikröfur

Í starfi bakara þarftu að þekkja til algengustu hráefna, kunna á meðferð þeirra og geta sagt til um hollustu- og næringargildi. Mikilvægt er að geta reiknað verð á vöru og þjónustu og sýnt ábyrgð í sambandi við hreinlæti á vinnustað og þjónustu við viðskipavini.

Tengd störf og námsgreinar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)