Bílamálari

Bílamálarar undirbúa, sprauta og mála bifreiðar auk þess að gera stundum við skemmda plasthluti í bílum. Í starfinu er bifreið undirbúin fyrir sprautun, flöturinn sem mála á er síðan sprautaður nokkrar umferðir með málningarefni og að lokum er þurrkað við réttan hita. Bílamálun er löggilt iðngrein.
 
Helstu verkefni:

  • hanna eða gera uppdrátt af teikningu eða merkingu á ökutæki
  • meta kostnað og vinnuaðferðir
  • undirbúa bíla með því að hreinsa burt fitu, ryð, lakk og önnur óhreinindi
  • ryðverja með grunnmálningu og jafna yfirborð
  • blanda liti eftir uppskrift og/eða finna rétta litablöndu

 
Bílamálarar starfa oftast á bílasprautunar-, réttinga- eða bílaverkstæðum og vinna þar með handverkfæri á borð við slípirokka, sandblásturstæki og þrýstiloftssprautur.

Hvernig verð ég?

Bílamálun er kennd við Borgarholtsskóla auk þess sem tveggja anna grunndeildir í málmsmíðum og véltækni má finna víða. Nám bílamálara tekur um þrjú ár.

Raunfærnimat hefur farið fram og/eða kann að vera í boði.

Hæfnikröfur

Í starfi bílamálara er mikilvægt að geta unnið sjálfstætt og skipulega eftir ákveðnu ferli svo ökutæki sé í samræmi við lög og reglugerðir eftir sprautun. Þú þarft einnig að þekkja vel hvernig litir blandast og hafa yfir að ráða tækni við að ná fram mismunandi áferð á lakk bíla. Þá er nauðsynlegt að kunna að umgangast efni sem notuð eru í bílamálun með tilliti til eiginleika þeirra, gæða og heilsufarslegra áhrifa.

Nánari upplýsingar
Tengd störf og námsgreinar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)