Bókbindari

Bókbindarar vinna við tölvustýrðar bókbandsvélar í prentsmiðjum eða upplýsinga- og fjölmiðlafyrirtækjum. Í starfinu felst fyrst og fremst að stýra slíkum vélum, sem skera, binda og brjóta bækur, þó einnig sé unnið við handbókband. Bókband er löggilt iðngrein.

 

Helstu verkefni:

  • sjá um lokafrágang á prentuðu efni
  • veita ráðgjöf um frágang prentgripa og efnisval vegna bókbands
  • stýra og stilla bókbandsvélar
  • hanna útlit bóka

 

Sem dæmi um vélar sem notaðar eru við bókband má nefna brotvél sem stillir bókabrot, bein- og þrískera, heftivél, fræsara, sauma- og bindigerðavél og gyllingarvél.

Hvernig verð ég?

Bókband er kennt við Tækniskólann, samtals fjórar annir í skóla og 48 vikna starfsþjálfun.

Hæfnikröfur

Sem bókbindari þarftu að hafa grunnþekkingu á öllu vinnsluferli prentverks og þekkja vel til véla og tölvustýrðs búnaðar sem notaður er í faginu. Einnig er mikilvægt að geta skipulagt verk fyrir bókalínur og þekkja til verkþátta grunn- og djúpfals.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)