Bókmenntafræðingur

Bókmenntafræðingar fást við rannsóknir þar sem leitast er við að skýra og túlka bókmenntir til að efla á þeim almennan skilning og áhuga.

Helstu verkefni:

  • bókmenntarannsóknir
  • ritstörf
  • ritstjórn og frágangur handrita
  • hugmynda- og textasmíði og ráðgjöf um textagerð
  • námsefnisgerð
  • þýðingar og prófarkalestur

Starfsvettvangur bókmenntafræðinga getur verið mjög fjölbreyttur. Sem dæmi má nefna kennslu á öllum skólastigum auk starfa við vísinda- og rannsóknastofnanir, auglýsingastofur, bókaforlög, bókasöfn, fjölmiðla og leikhús. Þá nýtist fræðileg þekking bókmenntafræðinga einnig við ritstörf og útgáfustarfsemi.

Bókmenntafræðingar sérhæfa sig oft í ákveðnum greinum bókmennta til dæmis einstökum tímabilum, stefnum eða höfundum.

Hvernig verð ég?

Almenn bókmenntafræði er kennd við Háskóla Íslands. Grunnnám til BA – gráðu  er þrjú ár en einnig er boðið upp á framhaldsnám í greininni.

Hæfnikröfur

Bókmenntafræðingur þarf að vera vel ritfær, hafa góð tök á íslensku máli og umtalsverða þekkingu á ensku. Einnig er æskilegt að geta skilið texta á norðurlandamálum og frönsku eða þýsku. Frumkvæði og öguð vinnubrögð eru mikilvægir eiginleikar auk þess að geta unnið sem hluti af teymi. Æskilegt er að hafa áhuga á bókmenntum, textagerð, leiklist, ljóðum og menningarsögu.

Nánari upplýsingar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)