Bóksali

Hlutverk bóksala er að miklu leyti að ýta undir lestaránægju og miðla þekkingu. Bóksalar upplýsa, gefa góð ráð og hvetja áhugasama lesendur til dáða hvort sem um er að ræða bækur ofarlega á vinsældalistum eða faldar minna þekktar perlur.

Helstu verkefni:

  • sala á bókum, tímaritum, ritföngum og gjafavöru
  • upplýsingagjöf og leiðbeiningar um val á lesefni
  • verðmerkja og flokka bækur
  • raða í hillur eftir innihaldi eða höfundanöfnum

Í starfi sem bóksali gætirðu til dæmis unnið í bókaverslun, fornbókabúð, bókaforlagi og í tengslum við bókaklúbba eða netverslanir.  Samhliða bóksölunni eru einnig oft í boði  tengdar vörur líkt og landakort, ljósmyndir, minjagripir eða gjafavara.

Hvernig verð ég?

Ekki er gerð krafa um sérstakt nám til að starfa við bóksölu en margskonar menntun getur komið að gagni.

Hæfnikröfur

Bóksalar þurfa að hafa mikinn áhuga á bókum og bókmenntum auk hæfileika í samskiptum við viðskiptavini.  Þekking á ólíkum greinum bókmennta er einnig kostur, innlendum sem erlendum rithöfundum auk þess sem tungumálakunnátta og þekking á fyrirtækjarekstri getur komið að góðum notum.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)