Búfræðingur

Flestir búfræðingar starfa við búfjárrækt; nautgriparækt, sauðfjárrækt eða hrossarækt. Störf þeirra fela í sér hirðingu búfjár og nýtingu lands í þeim tilgangi að framleiða mat og hráefni fyrir matvæla- og fataiðnað.

Helstu verkefni:

  • dagleg hirðing búfjár með velferð þess í huga
  • ræktun búfjár til að bæta afurðir
  • bera á tún og heyja
  • viðhald á byggingum og girðingum
  • hirðing og viðhald búvéla

Í starfi sem búfræðingur gætirðu ýmist sinnt eigin rekstri eða unnið sem starfsmaður hjá öðrum en auk þess starfa margir búfræðingar við þjónustustörf í landbúnaði.

Hvernig verð ég?

Búfræði er kennd í Landbúnaðarháskóla Íslands á Hvanneyri og er tveggja ára nám á framhaldsskólastigi.

Hæfnikröfur

Búfræðingar þurfa að þekkja vel til á ýmsum sviðum landbúnaðar, ræktunar og frumframleiðslu fóðurs og matvæla ásamt hæfni í hirðingu og meðferð dýra og færni í notkun véla. Mikilvægt er að geta unnið sjálfstætt og leiðbeint öðrum í starfi. Búfræðingar þurfa að gera sér grein fyrir ábyrgð sinni gagnvart umhverfinu og þekkja lagaumhverfi landbúnaðar, meðal annars um hirðingu og aðbúnað búfjár. Við vinnuna eru notuð margs konar handverkfæri ásamt alls kyns vélum á borð við dráttarvélar og heyvinnuvélar.

Nánari upplýsingar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)