Byggingafræðingur

Byggingafræðingar vinna við hönnun húsa og annarra mannvirkja, skipuleggja eða stjórna byggingaframkvæmdum ásamt því að sinna eftirliti og veita faglega ráðgjöf.

Helstu verkefni:

  • meta kostnað við viðgerðir og viðhald
  • gerð útboðs- og tilboðsgagna
  • samningar við verktaka og val á efni
  • samhæfa burðarþol og lagnir kröfum um eldvarnir, hljóðeinangrun og fleira
  • endurgerð og endurbætur á gömlum húsum

Í starfi byggingafræðings vinnurðu mikið með arkitektum, verkfræðingum, tæknifræðingum, iðnaðarmönnum og öðru starfsfólk í byggingariðnaði. Byggingarfræðingar starfa víða; sem hönnuðir, verkefnastjórar eða gæðastjórar á arkitekta- og verkfræðistofum, á teiknistofum, hjá tryggingarfélögum eða hjá fyrirtækjum í byggingariðnaði.

Hvernig verð ég?

Byggingafræði til BSc gráðu er þriggja til fjögurra ára nám við Háskólann í Reykjavík, að hluta til kennt í fjarnámi.

 

Hæfnikröfur

Byggingafræðingur þarf að búa yfir nákvæmni í vinnubrögðum og skipulagshæfni. Í starfinu eru notuð ýmis hönnunar- og reikniforrit ásamt verkfærum til þess að meta ástand húsa. Áhugi á arkitektúr og hæfni í mannlegum samskiptum er einnig kostur.

Nánari upplýsingar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)