Byggingaverkamaður

Byggingarverkamenn vinna við undirbúning og framkvæmdir byggingarvinnu, aðstoða einstaka iðnaðarmenn og vinna undir leiðsögn faglærðra verkstjóra þó einnig sé unnið sjálfstætt við afmörkuð verkefni sem tengjast sérþekkingu viðkomandi starfsmanns. Vinnuaðstæður eru með ýmsum hætti, inni sem úti og getur starfið verið líkamlega krefjandi.

Helstu verkefni:

  • Verkstaður
    • mótauppsetning, frásláttur, hreinsun, viðgerðir o.fl.
    • steypu- og járnavinna
    • uppsetning og niðurrif á stillönsum
    • endurtekin verk s.s. skrúfa, negla, bora, kítta, pússa og slípa
    • mokstur, jarðvinna, frágangur og hreinsun
  • Vélar og verkfæri
    • almennt viðhald
    • stjórnun á krönum, lyfturum og vinnulyftum
    • aðstoð við tölvustýrðar vélar
  • Samskipti og skráning
    • sendiferðir og innkaup
    • verk- og vinnuskýrslur
Hvernig verð ég?

Ýmsar námsleiðir eru í boði, svo sem í byggingargreinum á framhaldsskólastigi eða námskeið á vegum símenntunarmiðstöðva.

Hæfnikröfur

Störf í byggingariðnaði krefjast þekkingar á reglum um meðferð og meðhöndlun hættulegra efna, verkfæra, tækja og véla. Mikilvægt er að þekkja vel til verkfæra og tækja, geta greint og nýtt efni á ábyrgan hátt og fylgt öryggisreglum í hvívetna.

Nánari upplýsingar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)