Eðlisfræðingur

Eðlisfræðingar kanna eiginleika, breytingar og víxlverkanir efnis og orku. Í starfi þeirra er eðlisfræði beitt á margvíslegan hátt í iðnaði, á rannsóknarstofum og í heilbrigðiskerfinu svo dæmi séu nefnd. Einnig er algengt að eðlisfræðingar sinni kennslu og stjórnunarstörfum, hinu síðarnefnda oft í samstarfi við verkfræðinga og annað tæknifólk enda kalla viðfangsefnin oft á lausnir sem koma víða að.

Helstu verkefni:

  • útskýra niðurstöður tilrauna á grundvelli þekktra kenninga og lögmála
  • leita nýrrar þekkingar með tilraunum
  • tækniþróun
  • nota kenningar og tilraunir við lausn hagnýtra verkefna
  • rannsóknir, prófanir og greiningar

Eðlisfræðingar sérhæfa sig gjarnan á sviðum á borð við frumeindaeðlisfræði, kjarneðlisfræði, ljósfræði, skammtafræði, strengjafræði, stjarneðlisfræði, tölvueðlisfræði, varma- og safneðlisfræði eða öreindafræði.

Hvernig verð ég?

Nám í eðlisfræði til BS – gráðu er þriggja ára háskólanám. Framhaldsnám er einnig í boði til meistara- og doktorsgráðu.

Hæfnikröfur

Eðlisfræðingar þurfa að hafa góða grunnþekkingu á raunvísindum, áhuga á rannsóknum og færni í að leita lausna. Nákvæm og öguð vinnubrögð, skilningur á tölfræði og færni á margvísleg tölvuforrit skipta einnig máli. Eðlisfræðingur þarf hvort tveggja að geta starfað sem hluti af teymi og stýrt verkefnum en einnig unnið sjálfstætt. Mikilvægt er að geta kynnt niðurstöður rannsókna fyrir öðrum.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)