Einkaþjálfari

Einkaþjálfarar leiðbeina við margskonar líkamsæfingar. Í starfinu felst að kenna og sýna rétta tækni við æfingar, fylgjast með og útskýra hvað best sé að gera til að ná árangri. Þá leiðbeina einkaþjálfarar og veita upplýsingar um rétt mataræði og þyngdarstjórnun.

Helstu verkefni:

  • meta getu, þarfir og líkamlegt ástand einstaklinga
  • búa til einstaklingsmiðar æfingaáætlanir
  • leiðbeina við að ná hámarksárangri út úr æfingum
  • kenna rétta öndun við æfingar
  • fylgjast með framförum og aðlaga æfingaáætlun að þeim
  • huga að öryggi þátttakenda við æfingar

Í starfi sem einkaþjálfari gætirðu unnið á líkamsræktarstöð og/eða við fjarþjálfun á netinu.

Hvernig verð ég?

Margir einkaþjálfarar eru menntaðir íþróttafræðingar eða með annað nám og/eða reynslu á því sviði. Íþróttaakademía Keilis hefur einnig boðið upp á sérstaka námsleið í einkaþjálfun.

Hæfnikröfur

Einkaþjálfarar þurfa að eiga gott með mannleg samskipti, geta hlustað á óskir viðskiptavina auk þess sem skipulagshæfni er mikill kostur. Áhugi á heilsusamlegu líferni er nauðsynlegur og vilji til þess að leiðbeina öðrum. Einkaþjálfarar þurfa að vera í góðu líkamlegu ástandi enda getur starfið hvort tveggja reynt á úthald og styrk.

Nánari upplýsingar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)