Fasteignasali

Fasteignasalar starfa alla jafna á fasteignasölum og annast þar ráðgjöf vegna fasteignaviðskipta. Í starfinu felst að leita eftir tilboðum, útbúa kaupsamninga, ganga frá afsali og sjá um önnur gögn fyrir viðskiptavini. Fasteignasali er löggilt starfsheiti.

Helstu verkefni:

  • skoða og meta fasteignir og taka myndir af þeim
  • leggja til verð með hliðsjón af ástandi og aðstæðum á markaði
  • veita almenna ráðgjöf um húsnæðiskerfið og lántökur
  • auglýsa fasteignir til sölu í samráði við seljendur
  • sýna lausar eignir og auglýsa eftir eignum
  • útbúa skjöl á borð við kauptilboð, kaupsamninga, afsal og umboð
  • gera eignaskipta- og leigusamninga

Löggiltir fasteignasalar þurfa að ljúka nokkuð viðamiklu námi og fá löggildingu frá dómsmálaráðuneyti.

Hvernig verð ég?

Nám til löggildingar fasteigna-, fyrirtækja- og skipasala er námsbraut sem boðið hefur verið upp á við Endurmenntunardeild Háskóla Íslands. Námið undirbýr þá sem vilja starfa við sölu fasteigna, fyrirtækja og skipa. Hvort tveggja er hægt að stunda námið í staðnámi og fjarnámi.

Hæfnikröfur

Í starfi sem fasteignasali er mikilvægt að þekkja vel til lagaumhverfis í fasteignaviðskiptum og samnings- og skjalagerðar. Góð samskiptafærni er mikill kostur sem og að sýna ábyrgð og geta unnið undir álagi. Gott tímaskipulag og tölvukunnátta eru einnig mikilvægir kostir í starfi fasteignasala.

Nánari upplýsingar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)