Fatatæknir

Störf fatatækna felast í aðstoð við fatagerð, sölu á fatnaði og öðrum verkefnum tengdum fataiðnaði, oft í fataverksmiðjum eða á saumastofum. Fatatæknar geta haldið áfram í sérhæfðara nám svo sem kjólasaum og klæðskurð sem eru löggiltar iðngreinar.

Helstu verkefni:

  • teikna og útfæra einföld snið
  • vinna með verkfæri og vélar í fataiðnaði
  • teikna og útfæra einföld snið í tölvu
Hvernig verð ég?

Fatatækninám er á framhaldsskólastigi, kennt í Tækniskólanum og er meðalnámstími tvö ár auk átta vikna starfsþjálfunar. Nám í fatatækni er undanfari þess að geta haldið áfram í sérnámi í kjólasaum eða klæðskurði.

Hæfnikröfur

Sem fatatæknir þarftu að þekkja eiginleika og kosti efna sem notuð eru í fataiðn, geta teiknað og útfært einföld snið og hafa vald á grunnþáttum í saumtækni. Mikilvægt er að geta unnið eftir teikningum og verklýsingum og beitt tækjum og handverkfærum ásamt því að nota tölvur við hugmyndaþróun.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)