Ferðaþjónn

Ferðaþjónar starfa á hótelum og gistiheimilum við fjölbreytt verkefni þar sem ólíkar þarfir gesta eru í fyrirrúmi. Meginviðfangsefnin tengjast gestamóttöku, upplýsingagjöf, einfaldri matargerð og framreiðslu. Unnið er undir stjórn hótelstjóra eða sambærilegs stjórnanda.

Helstu verkefni:

  • Matvæli
    • aðstoð við pantanir, birgðaumsjón og innkaup
    • aðstoð við matseld, framsetningu og framreiðslu
    • undirbúningur og frágangur í matsal
    • vörumóttaka
  • Hússtjórn
    • frágangur, þrif og eftirlit með hreinlæti
    • umsjón með tækjum og búnaði
    • miðlun upplýsinga og móttaka nýliða
    • fyrirspurnir og úrlausn kvartana
  • Móttaka gesta
    • símsvörun, bókanir og upplýsingagjöf
    • inn- og útskráning gesta
    • sala á vöru og þjónustu
    • staðbundin leiðsögn
Hvernig verð ég?

Ekki er gerð formleg krafa um menntun en ýmis starfstengd námskeið kunna að vera í boði.

Hæfnikröfur

Ferðaþjónn þarf að geta fylgt verkferlum samhliða því að sýna sjálfstæði við að mæta breytilegum þörfum gesta og fyrirtækisins sem unnið er hjá.  Mikilvægt er að geta skipulagt vinnuna og forgangsraðað verkefnum auk þess að eiga gott með samskipti og búa yfir nokkurri kunnáttu í erlendum tungumálum.

Nánari upplýsingar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)