Flokksstjóri í vinnuskóla

Flokksstjórar og leiðbeinendur í vinnuskólum skipuleggja og stýra sumarvinnu 14 – 17 ára unglinga. Vinnuhóparnir sinna umhirðu, ræktun, viðhaldi og fleiri verkefnum, oft í tengslum við garða, íþrótta- og útivistarsvæði. Verkefnin geta verið nokkuð fjölbreytt svo sem að gróðursetja, slá og raka, hreinsa beð, grisja skóg, mála, tína rusl, sópa, þrífa, smíða og leggja hellur, grasþökur eða göngustíga.

Helstu verkefni:

  • úthluta verkefnum og leiðbeina um vinnubrögð
  • skipulagning uppákoma í tengslum við vinnuna
  • gæta að og ganga frá áhöldum og vélum sem notuð eru
  • samskipti við forráðamenn
  • skrifa vinnuskýrslur og umsagnir
Hvernig verð ég?

Ekki er gerð formleg krafa um menntun til að gegna starfi flokksstjóra í vinnuskóla en reynsla af starfi með unglingum er æskileg auk þess sem gott er að þekkja til agastjórnunar, líkamsbeitingar í vinnu, skyndihjálpar og vinnuverndar.

Hæfnikröfur

Flokksstjóri í vinnuskóla þarf að vera fær í samskiptum ásamt því að geta verið unglingum góð fyrirmynd. Vinnusemi, stundvísi og sjálfstæði í starfi eru jafnframt mikilvægir kostir. Í Reykjavík er lágmarksaldur leiðbeinenda 22 ár auk þess sem gerð er krafa um framhaldsskólamenntun.

 

Nánari upplýsingar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)