Flugvirki

Flugvirkjar  framkvæma reglubundnar skoðanir á flugvélum, meta ástand véla og tækjabúnaðar ásamt því að annast viðgerðir, viðhald og eftirlit. Oft er um að ræða vaktavinnu sem annað hvort fer fram utandyra, þar sem flugvél er lagt í styttri tíma, eða í flugskýli.

Helstu verkefni:

  • skoða og yfirfara flugvélahluta eftir nákvæmum áætlunum
  • sjá um að hvorki sé eldsneytis- né olíuleki
  • kanna ástand rafmagns-, vökva-, lofþrýstings- og stýrikerfa flugvéla
  • fylgjast með að fjarskipta- og siglingatæki séu í lagi
  • tilkynna um galla og bilanir sem koma fram við skoðun
  • sjá um að réttar upplýsingar séu skráðar í viðhaldsbækur flugvéla
  • yfirfara tækjabúnað flugvéla sem eru í daglegri notkun

Í starfi sem flugvirki gætirðu hvort tveggja unnið á flugvélaverkstæðum eða á opinberum flugvöllum.

Hvernig verð ég?

Flugvirkjanám á Íslandi er 2400 klukkustunda réttindanám til sveinsprófs - kennt í Tækniskólanum.

Hæfnikröfur

Starf flugvirkja er tengt öryggi flugfarþega og því eru þolinmæði, nákvæmni og ábyrgð mjög æskilegir kostir í starfinu. Einnig er góð enskukunnátta mikilvæg, rituð og töluð. Sem flugvirki notarðu ýmis verkfæri við viðhald og lagfæringar á flugvélahlutum.

 

Nánari upplýsingar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)