Fornfræðingur

Fornfræðingar stunda rannsóknir á menningu Forngrikkja og Rómverja; sögu þeirra, bókmenntum og heimspeki. Fornfræði (eða klassísk fræði) tengjast hinum ýmsu greinum hugvísinda út frá kunnáttu í fornmálunum tveimur, forngrísku og latínu.

Helstu verkefni:

  • kennsla og rannsóknir
  • þýðingar
  • ritstörf og útgáfa

Fornfræði er mjög tengd greinum á borð við sagnfræði, heimspeki, bókmenntasögu og málvísindi og skilin óljós á milli klassískrar textafræði og fornfræði. Fornfræðingar  starfa  gjarnan við kennslu eða rannsóknir.  Mögulegur starfsvettvangur gæti einnig verið staðir á borð við söfn, opinberar stofnanir eða bókaútgáfur.

Hvernig verð ég?

Klassík fræði eru kennd við Háskóla Íslands, sem aukagrein til BA-gráðu. Námið samanstendur af námskeiðum sem kennd eru á Hugvísindasviði, innan heimspeki, sagnfræði, grísku, latínu og bókmenntafræði.

Hæfnikröfur

Þekking á forngrísku og latínu er ákveðin forsenda þess að geta starfað sem fornfræðingur og háskólapróf æskilegt í þeim tungumálum, klassískum fræðum eða tengdum greinum.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)