Frístundaleiðbeinandi

Frístundaleiðbeinendur vinna með fólki á öllum aldri í tengslum við frístundastarf. Í starfinu felst að meta þarfir fólks við skipulagningu viðfangsefna og aðstoða það við að ná markmiðum sínum. Í frístundastarfi almennt er leitast við að stuðla að auknum þroska, efla félagsfærni og jákvæða sjálfsmynd með því að leggja áherslu á sjálfstæði, ábyrgð og virkni þátttakenda.
 
Helstu verkefni:

  • kynna uppbyggilegt tómstundastarf og virkja fólk til þátttöku
  • sjá til þess að viðfangsefni séu fjölbreytt og að allir finni eitthvað við sitt hæfi
  • skipuleggja dagskrá, viðburði og hópstarf í samráði við samstarfsfólk
  • fyrirbyggjandi starf og fræðsla
  • skýrslugerð um hin ýmsu verkefni sem unnin eru
  • gæta að frágangi húsnæðis að loknum vinnudegi

 
Í starfi sem frístundaleiðbeinandi gætirðu til dæmis starfað á frístundaheimilum, í félagsmiðstöðvum eða að félagsstarfi aldraðra, oft í samstarfi við skóla, íþróttafélög og aðrar stofnanir.

Hvernig verð ég?

Námsbraut í tómstunda- og félagsmálafræði er í boði við Háskóla Íslands. Alla jafna er þó ekki gerð krafa um að hafa lokið háskólanámi.

Hæfnikröfur

Starf frístundaleiðbeinanda krefst oft þekkingar á ákveðnum sviðum til dæmis leiklist, myndlist, tónlist, ljósmyndun eða myndbandagerð, almennri tölvunotkun, netnotkun eða umbrotsgerð. Tæknikunnátta, reynsla af ferðamennsku og þekking á helstu íþróttum getur einnig reynst gagnlegt í starfi auk þess sem frumkvæði og hæfni í félagslegum samskiptum er afar æskileg.

Nánari upplýsingar
Tengd störf og námsgreinar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)