Gull- og silfursmiður

Gull- og silfursmiðir starfa á verkstæðum og/eða í verslunum við hönnun, þróun og smíði skartgripa. Einnig er unnið með eðalsteina, listmuni og nytjahluti úr gulli og silfri og hugmyndir þróaðar frá grunni til fullbúinnar vöru. Gull- og silfursmiðir sinna ýmis konar ráðgjöf og þjónustu við viðskiptavini ásamt sölu og markaðsmálum. Gull- og silfursmíði er löggilt iðngrein.

Helstu verkefni:

  • forvinna gull og silfur til mótunar
  • gera við og hreinsa skartgripi svo sem hringa, armbönd og hálsmen
  • grafa letur, skreyta og setja steina í málm
  • húða málm með mismunandi aðferðum
  • steypa skartgripi og gera mót fyrir gerð flóknari gripa

Gull- og silfursmiðir vinna einnig með aðra málma á borð við nýsilfur, eir, látún, platínu og títan. Málmurinn er unninn í mót með ýmsum aðferðum og skraut brennt í smíðisgripinn ef við á. Gengið er frá yfirborði hlutarins með því að slípa og pússa, hamra eða grafa í mynstur.

Hvernig verð ég?

Gull- og silfursmíði er kennd í Tækniskólanum. Meðalnámstími er fjögur ár.

Hæfnikröfur

Sem gull- og silfursmiður þarftu að geta unnið sjálfstætt ásamt því að hafa mikla þekkingu á málmum og steinum sem tengjast skartgripum og gull- og silfursmíði. Gott er að þekkja hefðir í íslenskri skartgripagerð og geta smíðað einfalda slíka muni. Í gull- og silfursmíði eru notuð ýmis áhöld og tæki en tölvutækni er einnig nýtt við þróun, hönnun og framleiðslu.

Tengd störf og námsgreinar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)