Heilsunuddari

Heilsunuddarar nudda stífa vöðva og veita meðferð vegna heilsubrests í því skyni að stuðla að vellíðan, slökun og heilbrigðum lífsstíl. Starf heilsunuddara styður við aðra meðferð svo sem þá sem veitt er hjá sjúkraþjálfurum eða læknum.

Helstu verkefni:

  • velja viðeigandi meðferð í samráði við skjólstæðing eða annað fagfólk
  • greina vandamál í kerfum líkamans að því marki sem þekking leyfir
  • leiðbeina um heilbrigðan lífsstíl, forvarnir og rétta líkamsbeitingu
  • skrá upplýsingar um heilsufar

Í starfi sem heilsunuddari gætirðu starfað víða svo sem á nuddstofum, heilsuræktarstöðvum, heilbrigðisstofnunum og hjá íþróttafélögum.

Hvernig verð ég?

Námsbraut fyrir heilsunuddara er við Fjölbrautaskólann við Ármúla. Meðalnámstími er tvö og hálft til þrjú og hálft ár að meðtalinni starfsþjálfun.

 

Hæfnikröfur

Heilsunuddari þarf að búa yfir þekkingu og hæfni til að nudda aðra til heilsubótar og vellíðunar og geta leiðbeint um heilsueflingu og heilbrigðan lífsstíl. Í starfi heilsunuddara er mikilvægt að vera fær um að vinna sjálfstætt, sýna frumkvæði og geta forgangsraðað verkefnum. Einnig er nauðsynlegt að geta veitt skyndihjálp ef slys eða óhöpp ber að höndum.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)