Hestasveinn

Hestasveinar sinna margvíslegum störfum tengdum hirðingu hesta og aðstoða við þjálfun þeirra. Starfið felst einnig í aðstoð við viðskiptavini í hestaferðum hjá ferðaþjónustufyrirtækjum og að leiðbeina um grunnþætti hestamennsku.

Helstu verkefni:

  • vinna við fóðrun hrossa og aðbúnað
  • aðstoð við dagleg verkefni í hestatengdri ferðaþjónustu og í hestaferðum
  • aðstoð við tamningar og þjálfun hesta
  • aðstoð við hófhirðu og járningar

Í starfi hestasveins gætirðu unnið á hestabúgarði, við hestatengda ferðaþjónustu eða hjá fyrirtækjum í sambærilegri starfsemi svo sem á tamningastöðvum eða hestaleigum.

Hvernig verð ég?

Tveggja ára námsbraut í hestamennsku við Fjölbrautaskóla Suðurlands miðar að því að undirbúa nemendur annars vegar fyrir störf á hestaleigum og í hestaferðum, og hins vegar sem aðstoðarmenn við tamningar.

Þá er við Háskólann á Hólum í boði þriggja ára háskólanám til BS-gráðu, annars vegar í reiðmennsku og reiðkennslu, og hins vegar í hestafræðum. Unnt er að taka hluta námsins og útskrifast með diplóma gráðu.

Hæfnikröfur

Hestasveinn þarf að geta sinnt grunnþáttum við hirðingu og aðbúnað hesta, geta metið heilsufarslegt ástand þeirra og þekkja helstu aðferðir við þjálfun. Mikilvægt er að hafa grunnfærni í reiðmennsku og geta farið með byrjendur í styttri reiðtúra. Hestasveinn þarf að þekkja helstu öryggisatriði sem snúa að hestamennsku og geta brugðist við algengustu óhöppum.

Nánari upplýsingar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)