Hljóðmaður

Hljóðmaður setur upp og viðheldur búnaði fyrir hljóð- og sjónvarpsútsendingar, tónleika, upptökur og kvikmyndir. Starfsumhverfi hljóðmanna er fjölbreytilegt þó yfirleitt sé um að ræða vinnu við upptöku, hljóðblöndun og hljóðstjórn.
 
Helstu verkefni:

  • undirbúa tónleika, upptöku eða hljóðútsendingu
  • setja upp og stilla viðeigandi búnað
  • breyta og bæta hljóm að upptöku lokinni
  • taka upp efni fyrir útvarp og sjónvarp

 
Í starfi hljóðmanns gætirðu til dæmis unnið á útvarps- eða sjónvarpsstöð, í hljóðveri, leikhúsi eða við kvikmyndir, gjarnan í samstarfi við flytjendur, textahöfunda, tónskáld, leikstjóra, dagskrárgerðar- og tæknifólk.

Hvernig verð ég?

Hljóðtækni er kennd í Tækniskólanum og er eins árs 60 eininga nám en tveggja ára framhaldsskólanámi þarf að hafa lokið áður. Einnig hefur verið boðið upp á styttri námskeið í samvinnu við upptökuver. Raunfærnimat hefur farið fram og/eða kann að vera í boði.

Hæfnikröfur

Hljóðmaður þarf að hafa góða þekkingu á upptökutækni ásamt hljóð- og rafmagnsfræði. Mikilvægt er að hafa góða heyrn, vera taktviss, geta greint hljóð auk áhuga á tónlist. Starfið krefst þolinmæði, einbeitingar og auga fyrir smáatriðum. Í starfi hljóðmanns er mikilvægt að geta unnið sveigjanlegan vinnutíma undir nokkru álagi. Góð samskiptafærni og geta til að vinna sem hluti af teymi er einnig mjög æskileg.

Nánari upplýsingar
Tengd störf og námsgreinar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)