Kaffibarþjónn

Kaffibarþjónar vinna við þróun, gerð og afgreiðslu margskonar te- og kaffidrykkja. Í starfinu felst einnig afgreiðsla einfaldra rétta á borð við kökur, bökur og samlokur.

Helstu verkefni:

  • búa til og afgreiða heita eða kalda te- og kaffidrykki
  • útskýra matseðla og aðstoða viðskiptavini við pantanir
  • veita upplýsingar um mismunandi kaffibaunir eða smávöru
  • þrífa kaffivélar, áhöld og vinnusvæði
  • panta og taka á móti birgðum

Í starfi sem kaffibarþjónn gætirðu unnið á kaffihúsum, veitingastöðum eða annars staðar þar sem boðið er upp á sérstaka kaffidrykki.

Hvernig verð ég?

Ekki er gerð formleg krafa um menntun til að gegna starfi kaffibarþjóns. Matvælabrautir eru í boði við Menntaskólann í Kópavogi en einnig gætu ýmis konar námskeið staðið til boða.

Hæfnikröfur

Kaffibarþjón þarf að hafa mikinn áhuga á kaffi og öllu sem tengist kaffigerð. Þjónustulund og hæfni í mannlegum samskiptum eru mikilvægir kostir í starfinu ásamt því að geta unnið með öðrum, oft undir nokkru álagi. Í starfinu eru notaðar kaffivélar og ýmis áhöld sem þeim tengjast auk margskonar eldhúsáhalda og kassakerfi við afgreiðslu.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)