Landfræðingur

Landfræðingar vinna fjölbreytt störf sem varða umhverfi okkar og samfélag. Landfræði er þverfagleg grein sem byggir á þekkingu á mörgum sviðum og vinna landfræðingar því oft í samstarfi við vísindafólk í tengdum greinum á borð við eðlisfræði, jarðfræði, veðurfræði, þjóðfélagsfræði og hagfræði.

Helstu verkefni:

  • náttúru- og umhverfisrannsóknir
  • vinna að skipulagningu umhverfis og greina félagsleg skilyrði staða
  • afla landfræðilegra gagna til greininga og kortagerðar
  • skrá, túlka og vinna úr loft- og gervihnattamyndum

Sem landfræðingur gætirðu starfað víða í atvinnulífinu; stundað rannsóknir og sinnt ráðgjöf um landnýtingu og náttúruvernd, séð um hönnun og rekstur landfræðilegra upplýsingakerfa og sinnt kortagerð, stundað kennslu á öllum skólastigum eða unnið við ferðaþjónustu og fjölmiðla.

Landfræðingar sérhæfa sig gjarnan á ákveðnu sviði innan greinarinnar svo sem í borga- eða byggðalandafræði, hagrænni landafræði, landnýtingu, kortagerð, umhverfismálum, ferðamálum eða á sviði skipulags byggðar og atvinnulífs.

Hvernig verð ég?

Landfræði er þriggja ára háskólanám til BS – gráðu, kennt við Líf- og umhverfisvísindadeild Háskóla Íslands.

Hæfnikröfur

Landfræðingur þarf að hafa mikinn áhuga og góða þekkingu á umhverfismálum og sambúð fólks og náttúru. Mikilvægt er að hafa góða greiningarhæfni og tölvufærni sem og að hafa gott vald á úrvinnslu talna og gagna.

Nánari upplýsingar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)