Leikmyndahönnuður

Leikmyndahönnuðir teikna leikmyndir í mismunandi hlutföllum og gera módel af sviði sem leikmunir eru mátaðir inn í. Í starfinu er unnið með ýmis efni, liti og áferð sem þörf er á til þess að fá fram mismunandi hönnun.

Helstu verkefni:

  • lestur handrits og heimildavinna til undirbúnings
  • hanna leikmynd og ákveða útlit hennar í samvinnu við leikstjóra
  • búa til grunnhugmynd og vinna skissur
  • teikna upp leikmynd á pappír eða í tölvuforriti ásamt því að gera módel úr pappír, tré eða öðru efni
  • ákveða efnisnotkun, liti og áferð leikmyndar og umhverfis
  • koma hugmyndum áfram til leikmyndasmiða með vinnuteikningum

Leikmyndahönnuðir geta unnið í stórum sem smáum leikhúsum, í sjónvarpi eða við kvikmyndagerð, oft í samstarfi við leikstjóra og búningahönnuði vegna heildarútlits sýninga.

Hvernig verð ég?

Sérnám í leikmyndahönnun er ekki kennt á Íslandi en ýmis konar starfstengd námskeið kunna að standa til boða. Leikmyndahönnuðir eru oft myndlistarmenntaðir en nám í myndlist er til dæmis í boði á listnámsbraut Fjölbrautaskólans í Breiðholti, Myndlistaskólann í Reykjavík, Myndlistaskólann á Akureyri og myndlistardeild Listaháskóla Íslands.

Hæfnikröfur

Leikmyndahönnuðir þurfa að geta gert vinnuteikningar og unnið með kvarða, hlutföll og rými. Nauðsynlegt er að þekkja hvernig á að vinna með tiltekin efni, liti og ná fram ákveðinni áferð. Gott hugmyndaflug, áhugi á hönnun, skipulagshæfileikar og hæfni til að starfa með öðrum eru allt mjög gagnlegir eiginleikar í starfi leikmyndahönnuðar.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)