Líffræðingur

Líffræðingar vinna við margskonar rannsóknir á uppruna, skyldleika og starfsemi lífvera. Slíkar rannsóknir geta tengst plöntu- og dýralífi í lofti, á landi eða í vötnum og sjó og fara gjarnan fram með því að safna sýnishornum og gögnum sem síðan eru athuguð nákvæmlega.

Helstu verkefni:

  • greining tegunda
  • skrá og vinna úr upplýsingum
  • rækta örverur til framleiðslu ensíma, til dæmis fyrir lyfjaframleiðslu
  • ræktun og greining á blóðfrumum, litningum og veirum

Margir líffræðingar vinna hjá hinu opinbera, meðal annars við kennslu á öllum skólastigum og við rannsóknir. Einnig vinna líffræðingar í lyfja- efna- og matvælaiðnaði eða við matvælaeftirlit. Líffræðingar sérhæfa sig gjarnan á sviðum á borð við sjávarlíffræði, frumulíffræði eða lífefna- og sameindalíffræði.

Hvernig verð ég?

Við Háskóla Íslands er boðið upp á hvort tveggja, þriggja ára grunnnám í líffræði til BS-gráðu og framhaldsnám til meistaraprófs.

Hæfnikröfur

Líffræðingar þurfa að hafa áhuga á vísindalegum aðferðum í tengslum við rannsóknir á lífheiminum. Nákvæmni, þolinmæði og auga fyrir smáatriðum eru einnig mikilvægir eiginleikar í starfi líffræðings. Í starfinu er talsvert unnið við tölvur og ýmis forrit auk margvíslegra tækja og tóla á vettvangi rannsókna.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)