Ljósamaður

Ljósamaður vinnur að uppsetningu ljósa og daglegum rekstri þeirra. Í starfinu felst að stýra kösturum, til dæmis eltiljósum, og/eða stýra ljósaborði á margs konar viðburðum.

Helstu verkefni:

  • stýra kösturum og framkvæma ljósabreytingar
  • sinna daglegri vinnu við framkvæmd lýsingar á viðburðum
  • hengja upp, tengja og stilla kastara
  • sjá um stillingar á ljósum og tilfærslu þeirra á æfingum
  • stýra ljósaborði á sýningum í samvinnu við sýningarstjóra

Ljósamenn vinna í samstarfi við ljósameistara, ljósahönnuði og sýningarstjóra. Oft er um að ræða vaktavinnu og er mikil viðvera í kringum viðburði á borð við leiksýningar.

Hvernig verð ég?

Ekki er krafist sérstakrar menntunar í starfi ljósamanns en ýmis starfstengd námskeið kunna að vera í boði. Einnig má benda á nám í rafvirkjun en grunn- og framhaldsnám í rafiðngreinum má finna við marga framhaldsskóla.

Hæfnikröfur

Ljósamaður þarf að hafa áhuga á tækni og rafmagni. Mikilvægt er að geta unnið í teymi með öðrum. Ljósamenn vinna með ljóskastara af ýmsum stærðum og gerðum, tölvur og ljósaborð og getur vinnan á köflum reynt á líkamlega.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)