Ljósmóðir

Ljósmæður starfa við meðgöngueftirlit, fæðingarhjálp, umönnun og foreldrafræðslu. Í starfinu felst fræðsla á meðgöngu, undirbúningur fyrir foreldrahlutverkið, heilbrigðisfræðsla ásamt umönnun nýbura og ungbarna. Ljósmæður eru löggilt heilbrigðisstétt.
 
Helstu verkefni:

  • fyrirbyggjandi aðgerðir og stuðningur við eðlilegt ferli fæðingar
  • fylgjast með líðan konu á meðgöngutíma, í fæðingu og sængurlegu
  • framkvæmd reglubundinnar mæðraskoðunar
  • greining á frávikum hjá móður og barni og bráðahjálp
  • heilbrigðisfræðsla og ráðgjöf

 
Ljósmæður starfa víða, meðal annars í heimahúsum, á sjúkrahúsum og heilsugæslustöðvum.

Hvernig verð ég?

Kandídatsnám í ljósmóðurfræði er tveggja ára háskólanám á meistarastigi. Fullt meistaranám í ljósmóðurfræði krefst eins til tveggja ára til viðbótar.

Hæfnikröfur

Ljósmæður fá starfsleyfi frá landlækni og þurfa að hafa lokið B.S.-gráðu í hjúkrunarfræði auk kandídatsnáms í ljósmóðurfræði. Viðbótarskilyrði eru fyrir sérfræðileyfi á klínískum sérsviðum.

Ljósmóðir þarf að þekkja vel þau lög og reglugerðir sem gilda um heilbrigðisstarfsmenn og geta borið ábyrgð á störfum sínum við forvarnir, ráðgjöf, ljósmóðurfræðilega greiningu og með­ferð. Í starfi ljósmóður er mikilvægt að þekkja siðareglur stéttarinnar, virða faglegar takmarkanir og þagnarskyldu þegar við á.

Nánari upplýsingar
Tengd störf og námsgreinar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)