Málmsuðumaður

Málmsuða er sérsvið innan stálsmíði og skiptist í þrennt; kverksuðu, plötusuðu og rörsuðu. Málmsuðumenn starfa í fyrirtækjum þar sem málmsuða er notuð sem samsetningaraðferð; í málm- og byggingaiðnaði, við skipasmíði og í þjónustufyrirtækjum sem sjá um viðhald og viðgerðir. Stálsmíði er löggilt iðngrein.

Helstu verkefni:

  • setja saman hluti með málmsuðu
  • undirbúa suðustað með tilliti til umhverfis- og öryggisþátta
  • undirbúa vinnslustykki með því að sníða til samskeyti og hreinsa fleti
  • velja viðeigandi suðuaðferð
Hvernig verð ég?

Í Borgarholtsskóla eru málm- og véltæknibrautir en grunnnámið er í boði víðar.  Við Tækniskólann og Verkmenntaskólann á Akureyri eru einnig framhaldsbrautir í stálsmíði. Raunfærnimat hefur farið fram og/eða kann að vera í boði.

Hæfnikröfur

Hæfni málmsuðumanna fylgir áðurnefndri þrískiptingu og er skipt eftir þrepum, neðsta þrepið kallast kverksuðumaður, næsta plötusuðumaður og loks rörsuðumaður. Hæfnikröfurnar tengjast þekkingu á hinum fjórum tegundum málmsuðu; pinnasuðu, logsuðu, TIG-suðu og MIG/MAG-suðu. Málmsuðumaður getur fengið alþjóðlegt suðuskírteini og hæfnisvottorð á sérsviði sínu.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)