Matvælafræðingur

Matvælafræðingar starfa við vöruþróun, nýsköpun, ráðgjöf, framleiðslu og gæðaeftirlit matvæla. Hlutverk þeirra er að tryggja að neytendur fái í hendur holl og góð matvæli innlend sem innflutt. Til dæmis veita matvælafræðingar verslunum og dreifingaraðilum ráðgjöf um innkaup, hreinlæti, flutning og geymslu matvæla. Matvælafræðingar eru löggilt heilbrigðisstétt.

Helstu verkefni

  • rannsóknir á neysluvenjum og næringargildi
  • skoða framleiðsluferli og meta hráefni
  • gæðaeftirlit við innkaup, framleiðslu, geymslu, pökkun og dreifingu matvæla
  • þróar nýjar vörur eða endurbæta eldri afurðir
  • setja gæðastaðla fyrir matvæli og útbúa lýsingar á vinnsluferli
  • ráðgjöf varðandi vörukynningar

Sem matvælafræðingur gætirðu starfað hjá framleiðslufyrirtæki, á rannsóknar- og eftirlitsstofnun, inni á spítölum eða hjá lyfjafyrirtæki.

Hvernig verð ég?

Matvælafræði er kennd við matvæla- og næringarfræðideild Háskóla Íslands. Nám til BS – gráðu tekur þrjú ár en flestir matvælafræðingar ljúka fimm ára meistaragráðu.

Hæfnikröfur

Matvælafræðingar fá starfsleyfi frá landlækni og er krafist BS-prófs í matvælafræði að lágmarki. Matvælafræðingur þarf að þekkja vel þau lög og reglugerðir sem gilda um íslenska matvælalöggjöf auk þess sem mikilvægt er að þekkja faglegar takmarkanir og virða þagnarskyldu þegar við á.

Nánari upplýsingar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)