Náms- og starfsráðgjafi

Náms- og starfsráðgjafar aðstoða við að þróa og móta náms- og starfsferil fólks sem til þeirra leitar. Starfið tengist þannig öllum skólastigum, sí- og endurmenntun og vinnumarkaði þar sem veitt er ráðgjöf við náms- og starfsval og fræðsla um nám, störf og atvinnulíf.

Náms- og starfsráðgjafi er löggilt starfsheiti.

Helstu verkefni:

  • fræðsla um nám og störf
  • leiðbeina um vinnubrögð í námi
  • persónuleg ráðgjöf og stuðningur
  • ráðgjöf, hagsmunagæsla og upplýsingamiðlun
  • vinna við áhugagreiningu og áhugasvið
  • mat og greining á náms- og starfsfærni
  • miðlun upplýsinga um möguleika og framboð á námi og störfum

Náms- og starfsráðgjafar starfa við ráðgjöf í skólum, fræðslustörf í fyrirtækjum og símenntun, atvinnuleit og endurhæfingu á vinnumarkaði. Verkefnin geta verið nokkuð ólík eftir því hvort um er að ræða ráðgjöf í skólakerfi eða atvinnulífinu.

Hvernig verð ég?

Náms- og starfsráðgjöf er tveggja ára háskólanám á meistarastigi að loknu þriggja ára grunnnámi.

Hæfnikröfur

Náms- og starfsráðgjafar sækja starfsleyfi til menntamálaráðuneytis og er slíkt leyfi veitt þeim sem lokið hafa viðurkenndu háskólanámi í náms- og starfsráðgjöf. Í starfinu er nauðsynlegt að þekkja vel til íslensks skólakerfis og atvinnulífs, lagaumhverfis í náms- og starfsráðgjöf auk þess sem mikilvægt er að virða faglegar takmarkanir og þagnarskyldu þegar við á.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)