Öryggisvörður

Öryggisverðir sinna fyrirbyggjandi eftirliti, staðbundnu sem og farandgæslu eða eftirliti frá stjórnstöð. Í starfinu felst að gæta fólks og verð­mæta til varnar þjófnaði, vatnsskaða, eldi, slysum og skemmdarverkum.

Helstu verkefni:

  • öryggisgæsla og eftirlit með mannaferðum eða búnaði
  • bregðast við boðum frá neyðarhnöppum og öryggiskerfum
  • annast flutning verðmæta
  • vakta öryggis- og hússtjórnarkerfi
  • lyklavarsla, opnanir og lokanir húsa
  • móttaka þjónustubeiðna og upplýsingaþjónusta

Öryggisverðir starfa í fyrirtækjum, í tengslum við híbýli fólks og við eftirlit á opnum eða lokuðum svæðum. Einnig starfa öryggisverðir til dæmis í verslunarmiðstöðvum og sinna þar einnig vandamálum, sem upp koma, á borð við búðahnupl.

Hvernig verð ég?

Fræðslumiðstöð atvinnulífsins hefur gefið út námskrá fyrir öryggisverði. Námskrána má meta til styttingar náms í framhaldsskóla. Nánari upplýsingar gefa símenntunarmiðstöðvar.

Hæfnikröfur

Öryggisverðir þurfa alla jafna að hafa hreint sakavottorð auk kunnáttu í ensku, íslensku og á tölvur. Ýmis námskeið eru í boði fyrir öryggisverði oft tengd einstaka starfsstöðum og fyrirtækjum.

Nánari upplýsingar

 

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)