Ræstitæknir

Ræstitæknar sjá um að halda húsnæði hreinu eftir fyrir fram ákveðinni verklýsingu eða eftir þörfum og óskum vinnuveitenda. Starfið felur hvort tveggja í sér létt þrif og stórþrif eftir aðstæðum, ásamt eftirliti með húsnæði.

Helstu verkefni:

  • tæma ruslafötur og þurrka af gluggakistum, skrifborðum og húsgögnum
  • sótthreinsa og þrífa klósett, vaska og spegla
  • skipta um pappír og handklæði og bæta í sápuhólf
  • sópa og skúra gólf ásamt því að ryksuga teppi og lausar mottur
  • sjá til að uppröðun húsgagna sé í samræmi við fyrirmæli
  • umsjón með ræstinga- og hreinlætisvörum

Í starfi sem ræstitæknir getur vinnutíminn verið nokkuð breytilegur. Unnið er víða svo sem á skrifstofum, í verslunum, á veitingastöðum, í fyrirtækjum eða einkaheimilum.

Hvernig verð ég?

Ekki er gerð formleg krafa um menntun til að gegna starfi ræstitæknis en ýmis starfstengd námskeið kunna að vera í boði.

Hæfnikröfur

Ræstitæknar þurfa að búa yfir verklagni og verkviti ásamt samviskusemi og sjálfstæðum vinnubrögðum. Í starfinu er unnið með margvísleg tæki og hreinsiefni sem gott er að þekkja til. Góð líkamleg heilsa er gagnleg enda útheimtir starfið nokkra hreyfingu og líkamlega áreynslu.

Nánari upplýsingar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)