Rafeindavirki

Rafeindavirki starfar við uppsetningu og viðgerðir rafeindatækja, fjarskiptakerfa og tölvubúnaðar. Starfið felst í að hanna, smíða og forrita einfaldar rafeinda- og stýrirásir. Rafeindavirki hefur haldgóða tölvuþekkingu á vélbúnaði, hugbúnaði og netbúnaði ásamt því að þekkja til útsendinga og móttöku á fjarskiptamerkjum. Rafeindavirkjun er lögvernduð iðngrein.

Helstu verkefni:

  • uppsetning, bilanaleit og viðgerðir rafeindatækja
  • viðgerðir á rafeinda- og örtölvustýrðum búnaði
  • uppsetning, bilanaleit og viðgerðir fjarskiptakerfa
  • uppsetning á loftnetum og gervihnattabúnaði

Í starfi sem rafeindavirki gætirðu unnið á verkstæðum, í iðn- og orkufyrirtækjum og í farartækjum í lofti, á sjó og landi.

Hvernig verð ég?

Rafeindavirkjun er kennd við Tækniskólann en tveggja ára grunnnám rafiðna, er einnig boði við marga framhaldsskóla. Meðalnámstími í rafeindavirkjun er fjögur ár, samtals sjö annir í skóla og 24 vikna starfsþjálfun. Sveinspróf er samþætt lokaprófum.

Raunfærnimat hefur farið fram og/eða kann að vera í boði.

Hæfnikröfur

Rafeindavirki þarf að þekkja vel til vél-, hug- og netbúnaðar ásamt því að geta lesið og teiknað rafeindateikningar og vera fær í bilanaleit. Mikilvægt er að þekkja helstu aðferðir til útsendinga og móttöku á fjarskiptamerkjum og geta séð um hönnun og uppsetningu fjarskiptakerfa.

Rafeindavirkjar vinna mikið með höndunum, nota þau mælitæki og handverkfæri sem við eiga hverju sinni og þurfa að þekkja vel til öryggismála í faginu.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)