Sjávarútvegsfræðingur

Sjávarútvegsfræðingar búa yfir margvíslegri sérfræðiþekkingu sem nýtist við ýmis verkefni í sjávarútvegi. Störf þeirra felast gjarnan í að greina gögn, leita að og koma upplýsingum á framfæri, leysa vandamál og finna arðbærar lausnir.

Helstu verkefni:

  • skipuleggja og stjórna rannsóknum, þróunarverkefnum og framleiðslu
  • undirbúa tillögur og veita ráðgjöf vegna einstakra verkefna
  • greina vandamál og koma með tillögur að lausnum
  • markmiðssetning út frá niðurstöðum vísindalegra rannsókna
  • þróa staðla og verklagsreglur innan sjávarútvegs
  • rannsóknir og kennsla á háskólastigi

Flestir sjávarútvegsfræðingar starfa innan sjávarútvegsgeirans en einnig í tengslum við samgöngumál, upplýsinga- og þekkingariðnað og kennslu svo dæmi séu tekin.

Hvernig verð ég?

Háskólinn á Akureyri býður upp á þriggja ára nám í sjávarútvegsfræði til BS-prófs.

Hæfnikröfur

Sjávarútvegsfræðingar þurfa að geta greint vandamál og unnið að lausn þeirra af töluverðri nákvæmni. Geta til að vinna sjálfstætt er æskileg auk kunnáttu í öflun, vinnslu og meðferð tölulegra gagna. Góð þekking í greinum á borð við efnafræði, líffræði og stærðfræði er nauðsynleg. Í starfinu er mikið unnið með fjölbreytt tölvuforrit ásamt ýmsum tækjum og tólum sem tengjast sjávarútvegi.

Starfs- og námsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)