Skólaritari

Skólaritarar starfa á skrifstofum skóla og sinna þar daglegri afgreiðslu, símsvörun, skjalavörslu og bókhaldi. Í starfinu felst einnig að afgreiða ýmis erindi nemenda og eiga samskipti við fólk og stofnanir tengdum skólanum.

Helstu verkefni:

  • taka við fjarvistartilkynningum og tölvupósti til skólans
  • hafa eftirlit með tækjum á skrifstofu
  • innritun og nemendaskráning
  • undirbúnings- og frágangsvinna við upphaf og lok skólaárs
  • panta pappír, ritföng og rekstrarvörur
  • ljósrita og fjölfalda gögn
  • sjá um upplýsingamöppur á borð við bekkjalista og stundaskrár

Í starfi skólaritara eru mikil samskipti við nemendur og starfsfólk auk þeirrar tengingar sem starfið felur í sér, á milli heimilis og skóla.

Hvernig verð ég?

Ýmis konar nám getur verið gagnlegt í starfi skólaritara en einnig hafa sérstök námskeið verið í boði á vegum símenntunarmiðstöðva.

Hæfnikröfur

Í starfi skólaritara er oft krafist stúdentsprófs, sérstaklega ef hluti starfsins felst í skjalavörslu og bókhaldi. Áhersla er lögð á hæfni í mannlegum samskiptum og mikilvægi þess að gæta trúnaðar varðandi upplýsingar. Mikilvægt er að þekkja vel til þeirra upplýsinga- og skráningarkerfa sem notuð eru í starfinu.

Nánari upplýsingar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)